06 January 2010

အရက်သေစာကိုတားမြစ်ထားချက်


အမေး

အစ္စလာမ်က အရက်သေစာ သောက်သုံးခြင်းကို ဘာကြောင့် ပိတ်ပင်ခဲ့ရ ပါသလဲ။

အဖြေ   ။     ။ဒေါက်တာဇာကိရ်နိုက်(ခ်)
အရက်သေစာဟာ မမှတ်မိလောက်တဲ့ အချိန်ကာလကြီးက တည်းက လူ့အဖွဲ့အစည်းရဲ့ ဘေးအန္တရာယ်ဆိုးကြီး တစ်ခု ဖြစ်ခဲ့ပါတယ်။ မရည်မတွက်နိုင်အောင် လူ့အသက်တွေလဲ ဆုံးရှုံးရ၊ ကမ္ဘာတလွှားမှာ လူသန်းပေါင်းများစွာကို ကြောက်မက်ဖွယ် ဘေးဒုက္ခစုံကိုလဲ ကြုံစေခဲ့ရပါ တယ်။ အရက်သေစာဟာ လူ့အဖွဲ့အစည်းက ရင်ဆိုင်နေရတဲ့ ပြဿနာ အမြောက်အများရဲ့ ရင်းမြစ်အကြောင်းရပ်ပဲ ဖြစ်ပါတယ်။ စာရင်း ဇယားအရ ရာဇဝတ်မှုနှုန်းတွေ တိုးတက်လာတယ်။ စိတ်ဝေဒနာခံစားရ မှုတွေ တဆထက်တဆ များပြားလာတယ်။ အရက်ရဲ့ အဖျက်စွမ်းအား ကြောင့် ကမ္ဘာတလွှားမှာ အိမ်ထောင်တွေလဲ သန်းချီပြီး ပျက်ပြားခဲ့ကြ ရတယ်။
၁။ ကုရ်အာန်မှာ အရက် သေစာကို ပိတ်ပင်ထားချက်
                ကျမ်းမြတ်ကုရ်အာန်မှာ အရက်သေစာ မှီဝဲမှုကို အောက်ပါပါဒတော် အရ ပိတ်ပင်ထားပါတယ်။
“အို... ယုံကြည်သူတို့၊ မူးယစ်သေစာ၊ လောင်းကစား၊ ရုပ်ပွားဆင်းတုများကို ကိုးပြီး ရည်စူးခြင်း၊ မြားဖြင့် ကံစမ်းမှုတို့ကား စက်ဆုတ်ဖွယ်ရာ တစ်ရပ်သာဖြစ်၏။ ရှိုင်တွာန်၏ အပြုအမူပင် ဖြစ်၏။ ယင်းသို့သော စက်ဆုတ်စရာတို့ကို ရှောင်ကျဉ်ကြ ကုန်။ သို့မှသာ အသင်တို့ အောင်မြင်ကြချေအံ့။” [ အလ် ကုရ်အာန်  ၅း ၉၀ ]
၂။ တရား ကာမမှု၊ မုဒိမ်းမှု၊ သွေးရင်းစပ်ယှက် မှုနဲ့ အေအိုင်ဒီအက်စ် ပြဿနာတွေကို ပိုပြီး တွေ့ကြရပါတယ်။
                အမေရိကန်တရားရေးဌာန အမျိုးသားဆိုင်ရာ ရာဇဝတ် မကင်းသော မတရားဖိနှိပ်မှုကို လေ့လာဆန်းစစ်မှု တရားရေးဗြူရိုရဲ့ အဆိုအရ ၁၉၉၆ ခုနှစ် တစ်နှစ်ထဲမှာကို နေ့စဉ် ပျမ်းမျှ မုဒိမ်းမှုပေါင်း ၂၇၁၃ မှု ဖြစ်ပွားခဲ့ပါတယ်။ ဒီစာရင်းဇယားအရပြောတာက မုဒိမ်းသမား အများစုဟာ ရာဇဝတ်မှုကို ကျူးလွန်ကြချိန်မှာ အရက်မူးနေကြတယ်ဆိုတဲ့ အချက်ပါပဲ။ မဟားတရား လုပ်မှုတွေမှာလည်း အလားတူပါပဲ။
                စာရင်းဇယားတွေအရ သွေးရင်းစပ်ယှက်မှုကို ကျူးလွန်ကြတဲ့ အမေရိကန်တွေရဲ့ ၈ ရာခိုင်နှုန်းက ဆိုလိုတာက အမေရိကမှာ လူ ၁၂ ယောက်ကနေ ၁၃ ယောက်အတွင်းမှာ တစ်ဦးချင်းက သွေးရင်းစပ်ယှက်မှု ရှိနေပါတယ်ဆိုတဲ့ သဘောပါပဲ။ ဒီလို သွေးရင်းစပ်ယှက်မှု အားလုံး နီးနီးမှာ ပါဝင်ပတ်သက်သူ တစ်ဦး သို့မဟုတ် နှစ်ဦးစလုံးက အရက်မူးနေကြလို့ပဲ ဖြစ်ပါတယ်။
                အေအိုင်ဒီအက်စ်ခေါ်တဲ့ ကြောက်စရာ အကောင်းဆုံး ရောဂါဆိုး ကြီး ပြန့်ပွားရတဲ့ အဓိက အကြောင်းရင်းများအနက် တစ်ခုကလဲ အရက် သေစာ စွဲနေလို့ပဲ ဖြစ်နေပါတယ်။
၃။ အရက်စွဲနေသူတိုင်းဟာ အစ ကနဦးမှာတုံးက လူမှုရေးအရ သောက်သူပါပဲ။
                လူအတော်များများကပဲ အရက်ကို သိက္ခာဆယ်တဲ့အနေနဲ့ သူတို့ ကိုယ်သူတို့ လူမှုရေးအရ သောက်သူဆိုပြီး ခေါ်နေကြပါတယ်။ သူတို့က တစ်ပက် နှစ်ပက်လောက်သာ သောက်တာပါ။ ကိုယ့်ကိုယ်ကို ထိန်းနိုင်ပါတယ်။ ဒါကြောင့် ဘယ်တော့မှ မမူးဘူးရယ်လို့ ဆိုတတ်ကြ ပါတယ်။ စူးစမ်းလေ့လာ ဆန်းစစ်ချက်များအရ အရက်စွဲနေသူတိုင်းဟာ အစက လူမှုရေးအရ သောက်တာက စစွဲသွားတာရယ်လို့ သိခဲ့ရပါတယ်။ ဘယ် အရက်သမား ဘယ်အရက်စွဲနေသူကမှ စသောက်ကတည်းက ငါတော့ အရက်သမားကြီး ဖြစ်အောင် သောက်သွားမယ်လို့ ရည်ရွယ်ပြီးမှ သောက်ကြတာ မဟုတ်ပါဘူး။ ဒါပေမဲ့လဲ ဘယ်လူမှုရေးအရ သောက်သူ ပဲဖြစ်ပါစေ၊ ငါအရက်သောက်ခဲ့တာကြာလှပြီ၊ ငါ့ဘဝမှာ ငါ့ကိုယ့်ငါ ကောင်းကောင်းကြီး ထိန်းနိုင်လို့ လူမှန်းသူမှန်းမသိ မူးသွားတဲ့ အချိန် ဆိုတာ နည်းနည်းလေးမှ မရှိပါဘူးဆိုပြီး ရဲရဲကြီး မပြောနိုင်ကြပါဘူး ခင်ဗျား။
၎။ လူတစ်ဦးဟာ တစ်ခေါက်ပဲ အမူးလွန်သွားပြီ ဆိုတာနဲ့ ရှက်ဖွယ်လိလိ ကိစ္စကို ကျူးလွန်မိတတ်ကြောင့် သူ့ဘဝတစ်သက်တာ အမည်းစက်ထင်ပြီး ကျန်သွား ခဲ့ရတာပါပဲ။
                လူမှုရေးအရ သောက်သူပဲ ဖြစ်ဖြစ် သူ့ကိုယ်သူ တစ်ကြိမ် မထိန်းနိုင် မသိမ်းနိုင် လွတ်သွားပြီ ဆိုပါစို့။ အမူး လွန်သွားချိန်မှာ သူ့အနေနဲ့ မုဒိမ်းမှု ဒါမှမဟုတ် သွေးရင်းချင်း စပ်ယှက်မှုကို ကျူးလွန် တတ်ပါတယ်။ နောက်ပိုင်းကျမှ သူ့အမှားအတွက် နောင်တ ရမိသွား ပြီဆိုရင် ပုံမှန် လူတစ်ဦးအနေနဲ့ ဒီအမှားက သူ့ဘဝ တစ်သက် တ သသ ဖြစ် ကျန်ခဲ့ရတော့တာပဲ။ ကျူးလွန်သူရော စော်ကားခံရသူရော ပြန်ပြင်လို့ မရတော့သလို နဂိုအတိုင်း ပြန်မဖြစ်နိုင်တဲ့ ထိခိုက်ဆုံးရှုံးမှုကြီးကို ဖြစ်ပျက် လိုက်ရတာပါပဲ။
၅။ အရက်သေစာကို ဟဒီးဆ် ဩဝါဒတော်ထဲမှာလဲ ပိတ်ပင် တားမြစ်ထား ပါတယ်။
အစ္စလာမ်ရဲ့ တမန်တော်မြတ်ကြီး မုဟမ္မဒ် (صلي الله عليه و سلم) သခင် မိန့်ကြား ထားတော်မူတာက ဒီလိုပါ။
(က) ဆူနန် အိဗနေ မာဂျာဟ်၊ အတွဲ ၃၊ မူးယစ်သေစာခန်း၊ အခန်း ၃၀၊ ဟဒီးဆ်အမှတ် ၃၃၇၁။
(ခ) ဆူနန် အိဗနေ မာဂျာဟ်၊ အခန်း ၃၊ မူးယစ်သေစာခန်း၊ အခန်း ၃၀၊ ဟဒီးဆ်အမှတ် ၃၃၉၂။
တစ်စုံတရာရာတွင် အရက်သေစာ ပမာဏ များသည် ဖြစ်စေ နည်းသည်ဖြစ်စေ တားမြစ် ပိတ်ပင်ထားသည်။
ဒီအတွက်ကြောင့် တစ်စက်ပဲ ဖြစ်ဖြစ် တစ်ပက်ပဲ ဖြစ်ဖြစ် သောက်ခွင့်မရှိပါဘူး။
အရက်သေစာသောက်သုံးသူများကို ကျိန်ဆဲထားရုံသာမက သူတို့တတွေနဲ့ တိုက်ရိုက်ပဲ ဖြစ်ဖြစ် သွယ်ဝိုက်၍ပဲဖြစ်ဖြစ် ထိတွေ့ ပတ်သက် နေသူတွေကပါ အလ္လာဟ်ရဲ့ အမျက်တော် သင့်ကြမှာဖြစ်ပါတယ်။
ဆူနန် အိဗနေ မာဂျာဟ် အတွဲ ၃၊ အရက်သေစာ အခန်း၊ အခန်း ၃၀၊ ဟဒီးဆ်အမှတ် ၃၃၈၀။
အနပ်(စ) (رضي الله تعالي عنه) သခင်က ဆင့်ပြန်ခဲ့သည်မှာ တမန်တော်မြတ် က ဩဝါဒချွေတော်မူခဲ့သည်။
“အရက်သေစာနှင့် ဆက်စပ် ပတ်သက်နေသော လူအုပ်စု ဆယ်စုအပေါ် အလ္လာဟ်၏ အမျက်တော် သင့်ချေအံ့။ ယင်းတို့ကား အရက်သေစာချက်သူ၊ အရက်သေစာကို ချက်လုပ်ရာမှာ ဝင်ကူညီသူ၊ အရက်သေစာ သောက်သုံးသူ၊ အရက်သေစာကို သယ်ဆောင် ဖြန့်ဖြူး ပေးသူ၊ အရက်သေစာကို တစ်ဦးဦးသို့ ယူဆောင်ပေးသူ၊ အရက်သေစာကို တည်ခင်းပေးသူ၊ အရက်သေစာကို ရောင်းချသူ၊ အရက်သေစာ ရောင်းရ ငွေကို သုံးစွဲသူ၊ အရက်သေစာကို ဝယ်ယူသူ၊ တစ်ဦးဦးအတွက် ဝယ်ယူ ပေးသူတို့ပင် ဖြစ်သည်။”
မူးယစ်သေစာကြောင့် ဖြစ်ပွားရသော ရောဂါများ
                အရက်သေစာ မှီဝဲခြင်းကို တားမြစ် ထားရခြင်းနှင့် ပတ်သက်ပြီး  သိပ္ပံနည်းကျသော အကြောင်းတရား များစွာရှိပါတယ်။ ကမ္ဘာမှာ အရက် သေစာသောက်သုံးမှုကြောင့် ဖြစ်ပွားရတဲ့ သေဆုံးမှုနှုန်းထားဟာ အတော်ပဲ မြင့်မားလှပါတယ်။ အဓိက သေဆုံးမှု အကြောင်းရင်းတစ်ခုလဲ ဖြစ်ပါတယ်။ နှစ်စဉ် လူ သန်းပေါင်းများစွာဟာ အရက်ကြောင့် သေဆုံး နေကြရပါတယ်။  အရက်ရဲ့ ဆိုးကျိုးတွေကို အများအားဖြင့် အသိများကြ တာကြောင့် အသေးစိတ် မတင်ပြတော့ပါဘူး။ အရက်နဲ့ ပတ်သက်နေတဲ့ ရောဂါ တချို့လောက်ကိုပဲ အောက်မှာ တင်ပြထားပါတယ်။
၁/-         အသည်းရွတ်ရောဂါ (Cirrhosis  of  Liver) ဟာ အရက် ကြောင့် ဖြစ်ရတယ်ဆိုတာကို လူသိများလှပါတယ်။
၂/-         အစာရေမျိုကင်ဆာ၊ ခေါင်းနှင့် လည်ပင်းကင်ဆာ၊ အသည်း ကင်ဆာ (Hepatoma)နှင့် အူကင်ဆာ စသည်များ၊
၃/-         အစာရေမျို ရောင်နာ၊ အစာအိမ်ရောင်နာ၊ ပန်ကရိယတစ် ရောင်နာ၊ အသည်း ရောင်နာတို့က အရက်သေစာ မှီဝဲမှုနှင့် ပတ်သက်နေ ပါတယ်။
၎/-         နှလုံးကြွက်သားရောဂါ၊ သွေးတိုးရောဂါ၊ သွေးလွှတ်ကြော ဆိုင်ရာ ဝေဒနာ (Coronary  Artherosilerosis)၊ ရင်ဆို့နာ (Angina)၊ နှလုံးရောဂါတို့ဟာ အရက်ကို အလွန်အကျွံ သောက်သုံးမှုနဲ့ပတ်သက်နေပါတယ်။
၅/-         ဦးနှောက်သွေးကြောပေါက် (Stroke) ၊ လေသင်ဓုံး (Apoplexy) ၊ ဝက်ရူးပြန်ရောဂါ (Fits) နှင့် သွက်ချာပါဒ ရောဂါ အမျိုးမျိုး ကလည်း အရက်သေစာ သောက်သုံးမှုနဲ့ ပတ်သက်နေပါတယ်။
၆/-         ခြေလက် နဗ်ကြောရောဂါ (Peripheral Neuropathy)  ကော့စကီကလ် အထရိုဖီ ရောဂါ (Cortical Atrophy)  တို့ကလည်း အရက်သောက်ခြင်းကြောင့် ဖြစ်ရတဲ့ လက္ခဏာစုများအဖြစ် ကျော်ကြား လူသိများ ပါတယ်။
၇/-         မကြာမီက ဖြစ်ရပ်များအရ နာတာရှည် အရက်စွဲရောဂါကြောင့် ဖြစ်ရတဲ့ စိတ်ရောဂါ နှင့် ယှဉ်ပြီး သတိလစ်ရောဂါ၊ မှတ်ဥာဏ် ချို့ယွင်းခြင်း၊ ကြံဖန်ပြော လုပ်ကြံပြောတတ် သည့် ကောဆကော လက္ခဏာ၊ မှတ်ဥာဏ် ထိခိုက်မှုနဲ့အတူ သွက် ချာပါဒဖြစ်မှု အမျိုးမျိုးက အရက်သောက်လွန်လို့ သိုင်ယာမင် ချို့တဲ့ရာက ဖြစ်ရတဲ့ ရောဂါ ဝေဒနာတွေပါပဲ။
၈/-         ထုံနာစို ကိုယ်ဖောနာ (ဗယ်ရီဗယ်ရီရောဂါ) (Beriberi)  နှင့် အခြားအခြားသော အာဟာရချို့တဲ့တဲ့ ရောဂါများဟာ အရက်သမားများမှာ မလွဲတန်း ဖြစ်တတ်တဲ့ ရောဂါတွေပဲ ဖြစ်ပါတယ်။ ဗီတာမင် ချို့တဲ့ရောဂါ (pellagra)  ကိုလဲ အရက်သမားတွေမှာ တွေ့ရပါတယ်။
၉/-         အရက် စွဲနေမှုကြောင့် မကြာမကြာ ဆိုသလို ကယောင်ကတမ်း ဖြစ်တတ်ခြင်းဟာ အင်မတန် ဆိုးဝါးလှတဲ့ ဆင့်ပွားရောဂါတစ်ခု ဖြစ်တယ်။ ခွဲစိတ်ကုသမှု ခံပြီးနောက်ပိုင်းလဲ ဖြစ်တတ်တယ်။ အရက်ကို ဖြတ်တောက်နေချိန် ကာလမျိုးမှာ ဒီလို ကယောင်ကတမ်းတွေ ဖြစ်တတ်ပါတယ်။ ဒါဟာ အင်မတန်မှ အရေးကြီးလှပြီး တကဲ့ ကိရိယာ တန်ဆာ ပလာ စုံလင်လှတဲ့ နေရာမျိုးမှာ ကောင်းမွန်စွာ ကုသနေရင်းနဲ့တောင် အသက်သေဆုံးမှု ဖြစ်ပေါ်တတ်ပါတယ်။
၁၀/-      အရက်စွဲရောဂါကြောင့် အတွင်းစိမ့်ဂလင်း(အင်ဒိကရင်း ဂလင်း) မှာ ကမောက်ကမဖြစ်မှု အများအပြား ဖြစ်တတ်ပါတယ်။ သိုင်းရွိုက်ဂလင်း ကောင်းစွာ အလုပ်မလုပ်တဲ့ ပက်ဆဒီးဗားရောဂါကစလို့ သိုင်းရွိုက် လွန်ကဲ ခြင်း (Hyper thyroidism)  နဲ့ ကူရှင်ရောဂါလက္ခဏာစု (Florid Cushing Syndrome)  ဆိုတဲ့ အဒရီနယ်ဂလင်း အပြင်သား လွန်ကဲ ကြီးထွားခြင်း ရောဂါတို့ ဖြစ်တတ်ပါတယ်။
၁၁/-      သွေးနဲ့ဆိုင်တဲ့ ရောဂါတွေမှာ ဆိုးကျိုးတွေ ပေါ်စေပြီး နာတာရှည် စေပါတယ်။ ဖော်လစ်အက်ဆစ် ချို့ယွင်းမှုကလဲ အရက်စွဲနေသူတို့မှာ အတွေ့ ရ အများဆုံး ရောဂါပဲ။ သွေးအားနည်းရောဂါ အမျိုးမျိုး (မက္ကရိုဆိုင်တစ် အနီးမီးယားနဲ့ (Zeive’s sydrome ) တို့ဟာ သွေးပျက်ပျော် သွေးအား နည်းရောဂါ(Hemolytic Anemia)တို့ကနေ ပေါ်လာခဲ့ရတာပါ။ ဖျဉ်းဆွဲရောဂါတို့လဲ ဖြစ်တတ်ပါတယ်။
၁၂/-      သွေးကင်းပြောက်ကြီးရောဂါ (Thrombocytopenia) နှင့် တခြား သွေးဥမွှားများ (platelets) ပုံမှန် မဖြစ်တဲ့ရောဂါတွေကလည်း အရက်သမားမှန်ရင် ခံစားနေရတဲ့ ရောဂါတွေပါပဲ။
၁၃/-      အများသုံးနေကြတဲ့ ဆေးပြား မက်တြိုနီဒါဇိုးလ် (flagyl)  က အရက်နဲ့ တော်တော်လေး မတည့်ပါဘူး။
၁၄/-      အရက် အလွန်အကျွံသောက်သူတွေမှာ ရောဂါပြန်ပြန်ဝင်မှု (recurrent infection) လဲ အဖြစ်များပါတယ်။ အရက်သောက်သုံး မှုကြောင့် ရောဂါပြီး အကာအကွယ်စနစ်(Immunological Defense System) က ဘာ ရောဂါပဲ ဝင်လာ ဝင်လာ ငြိမ်ခံတဲ့အဖြစ် ရောက်သွား  ရပါတယ်။
၁၅/-      အရက်စွဲနေသူတွေမှာ ရင်ဘတ်ဝေဒနာဝင်မှု (Chest infection) က အထိအနာဆုံး ထဲမှာ ပါဝင်ပါတယ်။ နမိုးနီးယား၊ အဆုတ် ပြီတည်နာ၊ (Lung Abcess) လေအောင့်ခြင်း (Emphysema) နဲ့ တီဘီ အဆုတ်ရောဂါမျိုးတွေကလည်း အရက်သမားတွေမှာ အဖြစ် များပါတယ်။
၁၆/-      အရက်ကို အလွန်အကျွံမူးနေအောင် သောက်တဲ့အချိန်မှာ အရက်သမားက အော့အန်မယ်။ ချောင်းတဟွတ်ဟွတ် ဆိုးနေမယ်။ ဆောက်တည်ရာမဲ့ ဖြစ်မယ်။ ဒီတော့ အံဖက်က အဆုတ်ထဲဝင်သွားလို့ နမိုးနီးယားဝင်မယ်။ ဒါမှမဟုတ် အဆုတ်မှာ ပြီတည်မယ်။ တစ်ခါတရံမှာ  အံဖတ်ဆို့ပြီး မရှုနိုင် မကယ်နိုင် မွန်းကြပ်သွားတယ်။ အသက်ပါ ဆုံးရှုံးသွားနိုင်ပါတယ်။
၁၇/-      မိန်းမတွေမှာ အရက်သောက်တတ်လို့ ဖြစ်တတ်တဲ့ ဆိုးကျိုးတွေ ကိုလဲ ဖော်ပြရပါဦးမယ်။ မိန်းမတွေက ယောကျာ်းတွေထက် ပိုပြီး အသည်း  ပိုပြီးဝင်တတ်တယ်။ ကိုယ်ဝန်ဆောင်နေချိန်မှာ အရက်သောက်ခဲ့ရင် သန္ဓေသားအပေါ်မှာ ထိခိုက်အန္တရာယ် ရှိစေပါတယ်။ ဆေးပညာလုပ်ငန်း မှာ သန္ဓေသားဆိုင်ရာ (Foetal Alcohlo Syndrome)ကို ပိုသထက် ပိုပြီး သိလာကြရတယ်။
၁၈/-      အရက်စွဲမှုနဲ့ အရေပြားရောဂါတွေကလဲပဲ ပတ်သက်နေပါတယ်။
၁၉/-      နှင်းခူ၊ မွေးကျွတ်ရောဂါ (Alopecia) ၊ လက်သည်းကျုံလှီသွား ခြင်း (Nail Dystrophy) ၊ ခူနာ (Paronychia) နဲ့ နှုတ်ခမ်းထောင့် လောင်ခြင်း (Angular Stomatitis) ဆိုတဲ့ ရောဂါတွေကလဲ အရက် သမားတွေမှာ အဖြစ်များပါတယ်။
၆။ အရက်စွဲခြင်းသည် ရောဂါ  (Alcoholism is a diease)        
 ဆရာဝန်တွေ၊ သမားတော်တွေက အခုဆိုရင် အရက်သောက် သုံးမှုအပေါ် အစွဲကင်းကင်းနဲ့ မြင်လာကြပါပြီ။ ဒါကြောင့် အရက်သောက် သုံးခြင်းကို စွဲတယ်ဆိုတာထက် ရောဂါတစ်ခု ဆိုပြီး ခေါ်ဆိုလာကြပြီ ဖြစ်ပါတယ်။
အစ္စလာမ့်ရေးရာ သုတေသနဌာနက လက်ကမ်း ကြေငြာတစ်ခု ထုတ်ထားရာမှာ ...
အရက်စွဲခြင်းဟာ ရောဂါတစ်ခုဆိုရင်တော့ ဒီရောဂါကသာ
- ပုလင်းနဲ့ ထည့်ရောင်းနေတဲ့ ရောဂါ၊
- သတင်းစာ၊ မဂ္ဂဇင်းများနဲ့ ရေဒီယို ရုပ်မြင်သံကြားတို့ကနေပြီး ကြော်ငြာပေးမှုကို ရနေတဲ့ ရောဂါ၊
- အစိုးရအတွက် အခွန်အခ ထုတ်ပေးနေတဲ့ ရောဂါ၊
- အဝေးပြေးလမ်းများမှာ ပြင်းပြင်းထန်ထန် သေကြေမှုများကိုဆောင်ကျဉ်းပေးနေတဲ့ ရောဂါ၊
- ရောဂါပိုးမွှားများ မပါသလို ဗိုင်းရပ်စ်များကိုလည်း ပေါ်စေရာလဲ မဟုတ်တဲ့ ရောဂါဆိုးကြီး။
အရက်စွဲခြင်းကား ရောဂါတစ်ခု မဟုတ် ရှိုင်တွာန်၏ လက်ရာသာ ဖြစ်သည်
အလ္လာဟ်အရှင်က အရှင့်ရဲ့ အနန္တဥာဏ်တော်အရ အရက် ဟာ ရှိုင်တွာန်ရဲ့ ကျော့ကွင်း ဖြစ်တာကြောင့် ဒါကို ဆန့်ကျင်ဖို့ သတိပေး ထားတော်မူပါတယ်။ အစ္စလာမ်ကို ဒီးနူလ်ဖိတရဟ် “လူသားရဲ့ သဘာဝနဲ့ ညီတဲ့ ဘာသာတရား” လို့ ခေါ်ဆိုထားပါတယ်။ ဒီဘာသာတရားရဲ့ ညွှန်ကြားချက်အားလုံးက လူသားရဲ့ သဘာဝအခြေအနေကို စောင့်ထိန်း ကာကွယ်သွားဖို့ ရည်ရွယ်ထားခဲ့တာပါ။ အရက်သေစာက လူကို ဒီသဘာဝ အခြေအနေကနေ သွေဖီသွားစေပါတယ်။ လူတစ်ဦးချင်းအတွက်ရော လူ့အသိုင်းအဝိုင်းကြီးအတွက်ပါ သွေဖီမှုကို ဖြစ်ပေါ်စေတဲ့အရာပါပဲ။ လူဟာ သားရဲ တိရိစ္ဆာန်များထက် ပိုမိုကြီးကဲ မြင့်မြတ်တယ်လို့ ကြွေးကျော် ခဲ့ပေမဲ့လဲ အရက်သေစာကြောင့် တိရိစ္ဆာန်ထက်ပင် ပိုပြီး နိမ့်ကျလှတဲ့ ဘဝကို ထိုးဆင်းကျသွားစေပါတယ်။ ဂုဏ်အသရေမဲ့ သွားစေပါတယ်။ ဒါတွေ ဒါတွေကြောင့် အစ္စလာမ်က အရက်သေစာ မှီဝဲခြင်းကို တားမြစ် ပိတ်ပင်ထားရတာ ဖြစ်ပါတယ်။
ဘာသာပြန်ဆိုသူ :: ၀ါးခယ်မမောင်မင်းနိုင် (အစ္စလာမ့် အကယ်ဒမီသိပ္ပံ)

Twitter Delicious Facebook Digg Stumbleupon Favorites More

 
Design by Free WordPress Themes | Bloggerized by Lasantha - Premium Blogger Themes | coupon codes